Nun voglio fa niente!!!!

Citazione :

Està (nun voglio fà niente)

Che sole, che sole,
che sole cucente!
E chi vò fa’ niente?
E chi pò fa’ niente?

Che bella canzone
ca sona ’o pianino…
Mò ’nzerro ’o balcone
pe’ nun ’a sentì.

Che bella figliola,
ca passa p’’o vico…
Mò a chiammo e lle dico:
«Volete salì?»

No, no… cu stu sole,
stu sole cucente,
nun voglio fa’ niente!

Ma dint’’a cuntrora
che caldo se sente!…
E chi vò fa’ niente?
E chi po’ fa’ niente?

Mò piglio e me spoglio,
me ’nfilo ’int’’o lietto,
me leggo nu foglio,
me metto a fumà…

ma ’a cammera ’e lietto
sta troppo luntano…
cchiù meglio ’o divano…
nu passo, e sto llà…

Ah, dint’’a cuntrora
Che caldo se sente…
Nun voglio fa’ niente!…

Che luna, che luna,
che luna lucente!
E chi vò fa’ niente?
E chi po’ fa’ niente?…

Mò arrivo a’ Turretta,
po’ torno p’’a villa…
Va bbuo’, nun da’ retta…
me scóccio ’e vestì…

Che bella canzone
tenevo p’’e mmane…
mò veco dimane
si ’a pozzo fenì…

pecchè cu sta luna,
sta luna lucente,
nun voglio fa’ niente!

Libero Bovio

è dei primi del novecento ma va bene pure per i primi del 2000, per me poi..... è attualissima!!!



no... non posso ridere che sudoooooooo!!

Mi associooooo

ti faccio compagnia.....che caldo..!!!